Twelidt fis-26 ta’ Novembru 1979 f’Tal-Pietà u trabbejt Burmarrad
Fejn kont tattendi skola (primarja, sekondarja, post-sekondarja)?
Kont nattendi l-iskola Primarja San Pawl il-Baħar, imbagħad il-Liċeo Mikiel Anton Vassalli Qormi, u wara l-Junior College Msida. Wara għamit il-kors ta’ B. Com Universita ta’ Malta u komplejt għal B. Accountacy Hons. Wara li bdejt t-triq għall-ħajja Agostinjana kont għamilt l-Bachelor in Theology & Human Studies u wara S.TH.B l-Universita ta’ Malta. Wara kompljet S.TH.L Teologija pastorali u morali fl-Universita ta’ Comillas f’Madrid
Meta ġietek is-sejħa għall-ħajja agostinjana u x’ħajrek?
Il-Mulej dejjem jiżra. Fil-qosor ħafna kienu żewġ mumenti partikolari. Wieħed meta fl-2004 kont naħdem ma’ KPMG bħala accountant/awditur u kienu bagħtuni naħdem l-Ingilterra għal 3 xhur u ftit qabel mill-Parroċċa Burmarrad kienu tawni Bibbja u li tellajtha miegħi u li kienet ta’ sostenn kbir għalija waqt dik l-esperjenza ta’ 3 xhur ta’ xogħol. Imbagħad meta kont Londra fl-istess perjodu f’Jannar 2005 kont attendejt konferenza fil-Ġimgħa tal-Għaqda tal-Knejjes u min kien qiegħed jagħti t-talk staqsa diversi drabi, kif qed tħares lejn il-ħajja tiegħek? X’inhuma l-pjanijiet. Wara fl-aħħar ta’ Frar kont inżilt lura Malta u dawk kienu 4 xhur li fihom kienet qed tikber il-mistoqsija jekk Alla hux qed issejjaħli. Imbagħad f’Lulju 2005 tlajt esperjenza missjunjarja l-Brażil mal-grupp AMIGOS (grupp agostinjan fejn sirt naf aktar fuq Santu Wistin) u dik l-esperjenza kienet qawwija li tajt iċ-ċans li naħseb fuq il-mistoqsija. Wara dixxerniment għamilt il-pass għal din il-ħajja Agostinjana.
Xi tħobb tagħmel fil-ħin liberu?
Fil-ħin liberu nħobb nisma xi mużika instrumentali, jew naqra u xi passiġjata fil-kampanja. Nixtieq li għandi iktar ħin liberu. ?
Tista’ tgħidilna xi ktieb interessanti li qrajt? Fuq xhiex jittratta?
Kont qed naqra kotba marbuta tal-edukazzjoni kemm f’Malta u kemm barra minn Malta biex tkompli tkun għajnuna għal missjoni tiegħi bħalissa bħala Rettur S. Augustine College.
Għandek xi quote/saying għal qalbek?
Int ħlaqtna għalik O Alla u qalbna ma ssib qatt kwiet jekk ma tistriħx fik. A community in search of truth
Is-sejħa agostinjana:
x’jagħmlek agostinjan?
Dak li jagħmilni agostinjan huwa s-sens ta’ komunjoni li aħna l-Agostinjani msejħin biex ngħixu l-ewwel fil-komunitajiet reliġjuzi tagħna, u mbagħad ma’ persuni oħrajn li l-Mulej ilaqqagħna magħhom fl-appostolat tagħna. Li nkun qalb waħda u ruħ waħda mal-oħrajn fil-mixja lejn Alla.
Kif tara l-kariżma agostinjana fid-dinja tal-lum?
Il-Kariżma agostinjana hija dejjem attwali għax hija bbażata fuq l-esperjenza umana u spiritwali ta’ Santu Wistin, esperjenza komuni għall-bniedem ta’ kull zmien. Santu Wistin dejjem kien ifittex….ifittex sens fil-ħajja, ifittex il-kuntentizza, ifittex il-verita’, ifittex il-paċi u l-ġustizzja…..f’kelma waħda jfittex lil Alla. Il-frażi famuża tiegħu “Qalbna ma ssib qatt kwiet jekk ma tistriehx fik” hija verita’ għal bniedem ta’ kull żmien. Santu Wistin induna li kien qed ifittex ‘l Alla barra minnu u li Alla kien ġewwa fih. Ried ifittex ukoll ma’ oħrajn. Għaliex meta ngħixu l-esperjenza li kull wieħed ikollu t’Alla nagħmlu kuraġġ biex inkomplu nfittxuh.
Min hu l-agostinjan għalik?
L-agostinjan għalija irid iħabbrek biex bl-għajnuna t’Alla ikun b’mod ħaj din l-emblema agostinjana. Huwa dak li jħalli lil qalbu timtela bl-imħabba t’Alla billi jzomm ruħu f’relazzjoni miegħU. Huwa dak li jħoss qalbu tħeġġeġ bl-imħabba lura lejn Alla, u jagħmel ħiltu biex juri dan billi jħobb lill-proxxmu tiegħu li huwa xbieha ta’ Alla.
Riflessjonijiet u Artikli minn Fr. David Cortis osa
