Il-Ħadd 26 ta’ Jannar il-grupp Amigos ġabar grupp ta’ ħbieb biex flimkien jimxu mixja ta’ ftit iktar minn għaxar kilometri barra fin-natura ta’ pajjiżna. L-għan tal-mixja kien li nqattgħu ħin ta’ kwalità flimkien u ngawdu t-temp sabiħ f’parti mill-kosta ta’ Malta. Madankollu, l-għan ewlieni ta’ din il-mixja mhuwiex biss dak fiżiku, iżda tajjeb nifhmu s-simboliżmu li ġġorr magħha.
Bl-għajnuna t’Alla u ta’ xulxin, Amigos taw bidu għal mixja oħra missjunarja, fejn fiha se jkunu qed jagħmlu xogħol volontarjat fix-xhur li ġejjin, ġewwa lokalitajiet barra minn xtutna. Din id-darba fil-Perú, fejn hemm bżonn l-għajnuna biex jitjieb il-livell ta’ ħajja tal-familji tal-lokal.
Filwaqt li l-grupp Amigos jirringrazzja lil kull min kien parti b’xi mod jew ieħor fil-mixja tagħna, nħeġġukom tingħaqdu magħna għal attivitajiet li ġejjin.
Raisa Mifsud