Qaddisin Agostinjani

Dan kien mill-aqwa ħbieb ta’ Wistin u nafu fuqu minn din il-ħbiberija li kien hemm bejniethom. Ħa l-formazzjoni tiegħu nisranija fil-monasteru li Wistin kien waqqaf ħdejn il-knisja f’Ippona u hemm għex għal xi snin, sakemm madwar is-sena 400 ħatruh isqof ta’ Kalama, belt fin-Numidja. Flimkien ma’ Alipju, Evodju u xi ħaddieħor, hu kien wieħed mill-assistenti prinċipali l-iżjed kapaċi u afdati ta’ Wistin, tant hu hekk li nsibuh dejjem jieħu sehem […]

Mal-Familja Agostinjana kollha niċċelebraw il-festa ta’ ħutna l-Qaddisin li daħlu fil-hena ta’ Sidhom u qed igawdu l-ħarsa kollha mħabba tal-Missier. Hekk kif niftakru fil-Qaddisin kollha tagħna, infaħħru lil Alla għall-kobor tiegħu. Reliġjużi rġiel u nisa, isqfijiet, saċerdoti, lajċi, ilkoll marbutin f’rabta ta’ mħabba, u li taħt it-tmexxija ta’ Santu Wistin waslu fil-glorja tas-Saltna tas-sema. Nitolbu l-interċessjoni ta’ dawn ħutna sabiex jidħlu għalina lkoll li għadna nterrqu l-pellegrinaġġ tal-fidi, u nimitawhom

Twieldet f’Roccaporena (xi 5 kilometri minn Cascia) u għammduha fl-isem ta’ Margerita fil-knisja ta’ Santa Maria della Plebe f’Cascia. Il-ġenituri tagħha kienu paċifikaturi ta’ Kristu fil-ġlied politiku u familjari bejn il-Gwelfi u l-Gibellini, u taw lil Rita dak kollu li setgħu u għalmuha taqra u tikteb. Meta kellha 16-il sena żżewwġet lil Paolo Ferdinando Mancini, ġuvni ta’ l-affari tiegħu iżda fuq ruħu u wara ftit kellha żewġt itfal subien. F’ħajja

Twieled f’Fuenllana, Ciudad Real (Spanja) minn ġenituri reliġjużi u li minnhom wiret l-imħabba lejn il-proxxmu. Huwa ħa l-isem mill-belt ta’ Villanueva de los Infantes, li fiha marret toqgħod il-familja. Ta’ ħmistax il-sena bagħtuh biex jistudja l-università ta’ Alcalà fejn fl-1509 ġa it-titlu ta’ għalliem tal-loġika, fiżika u metafiżika. Għal tliet snin studja t-teoloġija u waqaf biss bejn l-1512 u l-1516 meta ħa l-katedra tal-loġika. Il-ħmistax –il sena li dam f’Alcalà

Lill-qarrej: “…billi ridt li l-knisja vera, qaddisa u kattolika ta’ Kristu l-Mulej tibbenefika minn dak kollu li jien irċevejt mill-għerf u l-kelma, ma ridtx jgħaddi fis-skiet dak li rajt u smajt mill-ħajja u mid-drawwiet ta’ Wistin, li kien predestinat u fl-istess waqt irrivelat bħala Isqof tajjeb” (Intr.1).        “Mhux sejjer nirrakkonta dak li l-istess Beatu Wistin innifsu espona fil-kotba tiegħu tal-Istqarrijiet dwaru nnifsu, kif kien qabel ma rċieva grazzja u

“Missier, ma tafx tagħlaq ħalqek! Sur duka, għalfejn nitla’ fuq il-pulptu? Biex ngħid il-verità lil min qed jismagħni jew biex bla mistħija nżiegħel bihom biex ifaħħruni?” Dan il-kliem intqal bejn id-duka t’Alba li mar għall-funzjoni reliġjuża u l-patri Agostinjan Ġwanni minn Sahagun li għamel il-priedka. Dak il-jum Patri Ġwanni pprofitta mill-preżenza ta’ ħafna nobbli tal-belt u awtoritajiet ċivili, sabiex jikxef il-gvern ħażin u l-inġustizzja tal-prepotenti ma’ dawk li kienu dgħajfa.

Ġwanni Stone kien reliġjuż li għażel li jibqa’ fuq il-blata ta’ Pietru, minkejja l-periklu reali fuq ħajtu. Ġwanni kien reliġjuż tal-Provinċja Agostinjana fl-Ingilterra. Għex fi żmien ta’ taqlib kbir, fejn għall-kattoliċi – wara l-abbandun tal-fidi kattolika mir-re Enriku VIII u t-twaqqif tal-knisja anglikana fl-1534 – ma kienx faċli iżżomm sħiħ fir-rabta tal-fidi mas-suċċessur ta’ Pietru. Iċ-ċirkustanzi kienu jitolbu kuraġġ u stamina sabiex l-insara kattoliċi, b’mod partikolari r-reliġjużi u s-saċerdoti, jibqgħu

Twieled fir-raħal t’Alfaro f’Navarra fi Spanja fl-1848. Bħal ħuh, Eżekjel ingħaqad mal-Familja Agostinjana tar-Rekolletti. Wara ftit ta’ żmien Moreno flimkien ma’ 17-il saċerdot oħrajn intbagħtu fil-Filippini fejn ġie ordnat saċerdot fl-1871. Fil-Filippini wettaq l-ewwel ħidma tiegħu pastorali bħala saċerdot Agostinjan, li damet madwar 15-il sena. Fl-1885 waqt il-kapitlu provinċjali (laqgħa li fiha l-provinċja tiltaqa’ biex tiddiskuti u tippjana l-ħidma tagħha għas-snin li jkunu ġejjin) Eżekjel Moreno sar Pirjol tal-kunvent f’Monteagudo

Dak li nafu fuq San Alipju nsibuh kollu fil-kitba tal-ħabib tiegħu Santu Wistin li miegħu għex iż-żgħożija żbaljata, il-konverżjoni u l-ħidma ta’ l-apostolat. Alipju twieled f’Tagaste minn ġenituri li kienu fost l-iżjed magħrufa f’pajjiżhom. Kien qsajjar iżda bi spirtu qawwi u karattru mimli ħeġġa. Kellu ħbiberija tant kbira ma’ Santu Wistin li ta’ spiss kien isejjaħlu “ħbiberija ta’ qalbi”. Kien xi sena iżgħar mill-ħabib tiegħu li bħalma nafu kien twieled

Twieled f’Oropesa (Toledo, Spanja u għamel  l-ewwel studju f’Talavera u mbagħad serva ta’ seise (tifel tal-kappella mużikali) fil-katidral ta’ Toledo. Hemm studja l-mużika li kienet għal qalbu ħafna. Bagħtuh fl-Università ta’ Salamanca u hemm ħass il-ġibda lejn il-qdusija tal-kunvent ta’ Santu Wistin, daħal ma’ l-Ordni u għamel il-professjoni fl-1523 f’idejn San Tumas ta’ Villanova. Kellu ħafna karigi u għalkemm kien jgħix ħajja mingħajr frugħat huwa kien jikkmanda b’kapaċità li tifhem