Author name: Fr Terence Spiteri

Twieldet fit-Toscana ħdejn Certaldo għall-ħabta tal-1320 minn familja nobbli li ftaqret. Sfat orfni ta’ età żgħira u daħlet taħdem mal-familja Tinolfi viċin Firenze fejn iltaqgħet ma ‘ l-Agostinjani u l-qdusija tagħhom. Meta l-anqas biss kellha għoxrin sena daħlet ma’ l-Agostinjani lajċi. Imbagħad ħasset li kellha tgħix ħajja mingħajr frugħat, u fil-fjur ta’ xbubitha għażlet li titlaq mill-belt u tmur tgħix weħedha. Reġgħet lura f’Certaldo u kriet kamra ħdejn il-knisja Agostinjana […]

Il-beatu Grazzja twieled f’Mula, raħal żgħir fil-bajja sabiħa ta’ Ċattra, illum tissejjaħ Kotor, fuq ix-xatt tad-Dalmazja li dak iż-żmien kien ċentru magħruf għall-bajja u għad-djoċesi. Fl-1423 din il-belt daħlet minn jeddha taħt il-ħakma ta’ Venezja u għalhekk baqgħet indipendenti. Billi damet għal ħafna żmien taħt is-setgħa ta’ Venezja nsibu fiha bini sabiħ Venezjan u saret port sinjur għall-kummerċ, għall-baħħara u għas-sajjieda. Grazzja kien ibaħħar u dam hekk sakemm kellu tletin

Il-ħajja tal-Beatu Gregorju hija taħlita ta’ verità storika u leġġenda. Dan għaliex ma waslux sa għandna dokumenti ta’ żmienu u l-bijografiji dwaru huma pjuttost tardivi. Hekk għandna l-kundizzjonijiet adatti sabiex fl-aġjografija (jiġifieri l-kitbiet fuq il-ħajja tal-qaddis)  insibu din it-taħlita interessanti li fiha, aktar ma jgħaddi żmien, aktar isir diffiċli tagħraf il-veru mill-istħajjil. Wieħed irid jiftakar li l-aġjografija medjevali ma għandhiex bħala għan li tgħid il-verità, skont il-kriterji tagħna tal-lum, imma

L-ewwel awtur li kiteb fuq il-ħajja u fuq id-devozzjoni lejn il-Beatu Guliermu kien il-pajżan tiegħu Nikola Bertran fil-ktieb De Tholosanorum gestis ippublikat fis-sena 1515, fejn ġabar tradizzjonijiet li seħħew f’Toulouse u probabbilment xi kitbiet li nstabu. Minn dan il-ktieb nafu li Guliermu twieled f’Toulouse fi Franza għall-ħabta tal-1297 ġo familja nobbli u li meta kellu dsatax-il sena daħal ma’ l-Agostinjani ta’ beltu. Ġie mibgħut Pariġi biex ikompli l-istudji u ħa

Twieled f’Cork (l-Irlanda) fl-1608 minn familja ta’ kummerċjanti ta’ twemmin kattoliku qawwi, li fiha kien hemm ukoll ziju li kellu l-istess isem u kien sar isqof. Huwa daħal fl-Ordni ta’ Santu Wistin u studja f’Valladolid (Spanja), f’Pariġi u fi Brussell. B’ubbidjenza lejn is-superjuri tiegħu huwa mar lura l-Irlanda fl-1641 ftit qabel ma beda l-irvell ta’ l-Ulster. Fl-1646 sar soċju tal-provinċjal Patri O’Dricoll u fl-1649 sar pirjol tal-kunvent ta’ Skreen. Wara

Twieldet f’Torriglia (Genova), kellha karattru sod, kienet tħobb it-talb u l-ġabra iżda kienet ukoll mimlija ħajja u ċajtiera dejjem lesta biex taħtaf il-mument li fih tagħmel xi ħaġa tajba. Il-ħajja fil-monasteru daħlet f’qalbha iżda kellha titlob ħafna u tbati sakemm daħlet fl-oasi li Alla kien sejħilha għalih. Il-monasteru ta’ Santa Rita ta’ Cascia laqagħha bħala postulanta meta kellha 25 sena fis-6 ta’ Ġunju 1906. Fil-lejl tal-Milied offriet żgħożitha lill-Mulej u

Dwar Veronika nafu li twieldet f’Binasco fil-provinċja ta’ Milan fl-1445 minn familja ta’ raħħala u li kellha l-biża’ t’Alla, iżda ommha tant kienet fqira li anqas setgħet tagħtiha ftit skola. Ta’ tnejn u għoxrin sena “wara ħafna talbiet irnexxielha tilbes l-libsa ta’ Santu Wistin” bħala lajka fil-monasteru ta’ Santa Marta ta’ Milan fejn damet ħajjitha kollha tagħmel l-iżjed xogħol baxx tad-dar u tiġbor il-karità. Kienet fidila għax-xejra ta’ dawk iż-żminijiet