Aħbarijiet

Nhar it-Tnejn 30 ta’ Diċembru 2019, wara nofs in-nhar, l-Emminenza Tiegħu, il-Kardinal Prospero Grech, agostinjan, ħalla din id-dinja fi triqtu lejn dar il-Missier. Il-Kardinal Grech kien għadu kif għalaq l-eta’ sabiħa ta’ 94 sena propju lejlet il-Milied. Dakinhar stess ħa sehem fil-quddiesa tal-lejl tal-Milied preseduta mill-Qdusija Tiegħu il-Papa Franġisku fil-Bażilika ta’ San Pietru. Sal-jum qabel il-mewt tiegħu għex għal tant snin fil-Kulleġġ Internazzjonali Agostinjan, Santa Monika, f’Ruma. Ħalla warajh kotra […]

Nhar is-Sibt 28 ta’ Diċembru, kienet organizzata attività tal-Milied għall-istudenti tat-Tagaste Vok Club tal-kulleġġ Santu Wistin fis-Sekondarja. Wara mument ta’ talb l-istudenti raw film flimkien u wara kien organizzat party żgħir tal-Milied bl-affarijiet li ġabu l-istess studenti. La kien temp tajjeb l-istudenti malajr intefgħu jilgħabu ftit futbol.

Nhar il-Ġimgħa 27 ta’ Diċembru il-Patrijiet ingħaqdu flimkien biex jiċċelebraw il-Milied b’ikla fraterna. Din is-sena kien imiss lil komunità ta’ Ħal Tarxien li tilqa’ lil Patrijiet għall-ikla tradizzjonali. L-Aħwa Agostinjani talbu flimkien u wara komplew jaqsmu l-ferħ u l-awgurju tal-Milied f’ikla fl-Ortatorju Agostinjan.  

It-Tlieta 17 ta’ Diċembru il-Provinċjal P. Leslie Gatt ħa sehem f’laqgħa tal-provinċjali tan-nofsinhar tal-Ewropa dwar il-proġett tan-Novizzjat komuni tal-Provinċji ta’ Spanja, Italja u Malta. In-Novizzjat  jinsab f’Pavia fl-italja ta’ fuq, fejn huma venerati l-fdalijiet ta’ Santu Wistin Missierna. Bħalissa hemm żewġ novizzi taljani. Il-Provinċjali tal-Provinċji rispettivi ltaqgħu għal laqgħat mal-ekipp tal-Formazzjoni fejn saret evalwazzjoni tal-mixja formattiva u tal-programm li qed jiġi segwit. Saru anke diskussjonijiet dwar il-viżjoni għall-futur tal-istess novizzjat.

Il-Provinċja Agostinjana Maltija organizzat Seminar fuq iż-żgħażagħ fit-13 ta’ Diċembru fid-Dar Ħanin Samaritan, Santa Venera. Dan is-Seminar kien organizzat bil-għan li l-patrijiet tal-provinċja jkomplu jaħsbu dwar il-modi varji li bihom jistgħu jakkumpanjaw liż-żgħażagħ fil-ħajja tagħhom. Waqt is-Seminar tkellmu s-Sur Roberto Calleja (Youth Leader, Junior College), André DeBattista (żagħżugħ midħla tal-Agostinjani), u Evan Demicoli u Emma Lanzon (Malta Catholic Youth Network). Huma tkellmu dwar ir-realtà taż-żgħażagħ fis-soċjetà tal-lum u l-isfidi varji

Illum wara nofsinhar il-Mulej għoġbu jsejjaħ fi ħdanu lil P. Rikkardu Attard li kellu 87 sena. Qabel ma daħal id-Dar tal-Kleru minħabba l-kura li kellu bżonn, huwa kien jgħix fil-komunità ta’ Ħal Tarxien, ħadem ukoll għal bosta snin Katanja u l-Brażil.   Il-funeral ser isir nhar il-Ħamis 28 ta’ Novembru 2019 fid-9.30am. Il-ġisem ta’ P. Rikkardu Attard ser ikun espost għal pubbliku fl-Oratorju Agostinjan f’Ħal Tarxien mit-8.15am ‘il quddiem.   Fid-9.30am