Aħbarijiet

Matul dawn l-aħħar xhur, tlitt aħwa mill-Provinċja Agostinjana, ċċelebraw b’ferħ kbir il-25 u l-50 sena mill-Ordinazzjoni saċerdotali tagħhom. Nhar il-Ġimgħa 7 ta’ Lulju 2017  P. Joseph Zammit OSA iċċelebra 25 anniversarju permezz ta’ ċelebrazzjoni ewkaristika fil-Knisja S. Nikola minn Tolentino f’Ħal Tarxien.  Adeodato Schembri OSA iċċelebra 50 sena mill-Ordinazzjoni saċerdotali tiegħu fil-Knisja S. Wistin fir-Rabat Għawdex nhar il-Ħadd 12 ta’ Marzu 2017, filwaqt li P. Luċjan Borg OSA iċċelebra l-50 …

50 u 25 sena anniversarju mill-Ordinazzjoni Saċerdotali Kompli aqra »

Nhar l-Erbgħa, 28 ta’Ġunju saret il-Festa Familja Agostinjana fis-Settur tal-Primarja tal-Kulleġġ Santu Wistin fi Triq l-Iskola, fil-Marsa. Fis-6.00 p.m. ġiet iċċelebrata quddiesa u wara l-Provinċjal P. Raymond Francalanza osa qasam xi riflessjonijiet fuq il-kontribut tal-Agostinjani fil-preżent u fil-futur, wara saret Pizza Night.

Waħda mill-ewwel attivitajiet tal-Vok Club tal-Kulleġġ Santu Wistin għas-Sajf 2017 kienet l-A&P Friendship Day. Nhar l-Erbgħa 28 ta’ Ġunju t-tfal u l-adolexxenti  li pparteċipaw għixu esperjenza ta’ ħbiberija fuq il-passi tal-ħbieb ta’ Santu Wistin – Alipju u Possidju  – ibbażati fuq il-valur Agostinjan tal-ħbiberija. Kienet ġurnata mimlija attivitajiet ta’ formazzjoni, talb, logħob u baħar.

Il-komunità Agostinjana fil-Belt Valletta bħala parti mill-attivitajiet tal-Bi-Ċentinarju tal-Provinċja Agostinjana Maltija, fetħet il-bibien tal-kunvent sabiex in-nies iżuru u jagħmlu esperjenza ta’ kultura, arti, fidi u storja. Fost l-attrazzjonijiet kull min żar il-kunvent seta’ jara ukoll re-enactment tas-suldati ta’ Malta fuq dar fil-mandraġġ fi żmien il-gwerra, wirja ta’ presepji kif ukoll wirja tal-għaqda mudelli tal-knejjes.

Grupp ta’ Patrijiet Agostinjani matul il-ġimgħa bejn id-19 u 23 ta’ Ġunju nġabru f’Dar Stella Maris fiż-Żebbuġ Għawdex għall-jiem ta’ silenzju u riflessjoni akkumpanjati  minn P. Marcello Ghirlando OFM. Dawn kienu jiem fejn f’ambjent ta’ komunità, l-aħwa miġbura setgħu jirriflettu iktar fuq is-sejħa reliġjuża tagħhom f’relazzjoni mal-Mulej Ġesù, filwaqt li jkomplu jġeddu qalbhom fil-missjoni tagħhom.

Bejn it-Tnejn 19 u l-Ġimgħa 23 ta’ Ġunju, P. David Cortis osa u P. Salvinu Caruana osa ħadu sehem fil-Konferenza Intercultural Experience of Pastoral Ministry in a changing Europe – New Forms of Evangelization in the Augustinian Order, li saret f’San Gimignano (FI) fl-Italja. Kienet esperjenza sabiħa u kien hemm 9 kelliema, fosthom P. David li għamel riflessjoni fuq The Augustinian Pastoral Hospitality and Integration of Immigrations/Refugees in Malta. The Church’s Evangelical Service of Love …

Forom Ġodda ta’ Evanġelizazzjoni fl-Ordni Agostinjan Kompli aqra »

Matul din is-sena fejn ir-Reliġjużi Agostinjani Maltin qiegħdin ifakkru l-200 sena mit-twaqqif tal-Provinċja tagħhom, il-Pirjol Ġenerali tal-Ordni Agostinjan, Padre Alejandro Moral Antón OSA ser ikun qiegħed jagħmel iż-żjara Kanonika tiegħu fil-Provinċja Maltija mis-16 sal-24 ta’ Mejju. Din se tkun l-ewwel żjara uffiċjali tiegħu lill-Provinċja u li matulha se jkun qiegħed iżur il-komunitajiet u r-rejaltajiet kollha tal-Provinċja. Matul dawn il-ġranet li ser ikun hawn Malta ser ikun qiegħed jiltaqa’ b’mod individwali …

Il-Pirjol Ġenerali tal-Ordni Agostinjan f’Malta Kompli aqra »

L-isbaħ kuntatti fil-ħajja jseħħu meta l-għajnejn jiltaqgħu, meta l-qlub jinfetħu, meta l-esperjenzi ngħixuhom flimkien. L-isbaħ kuntatti fil-ħajja jseħħu meta jkun hemm intimità, ġenwinità, trasparenza u wens reali. L-isbaħ kuntatti fil-ħajja jseħħu meta l-ġewwieni tagħna jintmiss minn barkiet u meta l-immaġinazzjoni fina tibqa’ timraħ.  

L-Erbgħa 8 ta’ Frar fil-5.30pm fil-Knisja tagħna ta’ Għawdex saret velja ta’ talb li matulha inqraw siltiet mill-ħajja ta’ Fra Grazzja Gauci OSA. Wara wkoll sar it-tberik tax-xbieħa tiegħu, xogħol il-pittur bravu Manwel Farrugia, u sar mument ta’ talb quddiem Ġesu’ Sagramentat. Dakinhar kienet ippubblikata l-bijografija tiegħu – xogħol ta’ Eman Bonnici. Kienu mqassma santi b’aspetti ta’ ħajtu u b’talba miktuba mill-Isqof ta’ Għawdex Mons. Mario Grech.

Fl-okkażjoni tal-Bi-Ċentinarju tat-twaqqif tal-Provinċja Agostinjana, inbdiet inizjattiva ta’ Djalogi Agostinjani mas-soċjetà. Bħala l-ewwel kelliem stedinna lill-Eminenza Tiegħu l-Kardinal Gianfranco Ravasi, President tal-Kunsill Pontifiċju tal-Kultura, li tkellem fuq Il tempo e la piazza. Fede, cultura, societa’. Kienet riflessjoni tajba ħafna għal ħajjitna stess. Il-lecture, li saret it-Tlieta 24 ta’ Jannar saret fis-Sala Tereża Spinelli fil-Gżira.