Lejn fejn sejra ħajti? Liema direzzjoni ħadet, qabdet, qiegħdha?
Mistoqsija li ħafna persuna jistaqsu, għaliex ħafna drabi l-aktar affarijiet importanti fil-ħajja huma mitlufa fil-materjaliżmu u hedoniżmu. Naqraw stejjer ta’ persuni li jfittxu li jagħtu lil ħajja tagħhom direzzjoni ġdida, għaliex ħafna affarijiet (fosthom il-ġid u l-popolarità) ħallewhom b’sens kbir ta’ vojt fil-ħajja tagħhom.
Huma d-deċiżjonijiet fundamentali li jagħtu direzzjoni lil ħajjitna.
Fil-fatt fl-Evanġelju skont San Luqa, naraw li beda l-vjaġġ lejn Ġerusalemm b’deċiżjoni konxja u resoluta. L-istess fil-ħajja tagħna, ħajjitna hija magħġuna mid-deċiżjonijiet bażiċi – l-prioritajiet f’ħajjitna, l-attitudni tagħna bħala ċitadini…U nistaqsu lilna nfusna kemm aħna responsabli fid-deċiżjonijiet li nieħdu, u kemm inpoġġuhom fil-prattika?
Deċiżjonijiet li nieħdu f’dan il-vjaġġ tal-ħajja
- Eżempju li nitkellmu quddiem l-inġustizzji fil-komunità tagħna
- Li naħfru weġgħa kbira
- Li niddedikaw lilna nfusna għal foqra
Li ninżlu fil-fond tal-imħabba u l-ħniena infinita ta’ Alla.