Edukazzjoni

Fl-Ordni Agostinjan, waħda mill-missjonijiet speċjali hija dik tal-appostolat tal-edukazzjoni fejn jingħata l-kontribut meħtieġ għaliex din hija vokazzjoni tassew sabiħa u solenni.

L-għan speċifiku tal-iskejjel mmexxija mir-reliġjużi agostinjani huwa l-promozzjoni tal-persuna umana bbażati fuq il-prinċipji nsara. Dan l-ministeru huwa attività pastorali, fejn ngħallmu l-verità bl-imħabba u fejn l-istudenti jitgħallmu, flimkien mal-kultura umanistika u xjentifika, fuq id-dinja, fuq il-ħajja u fuq l-umanità mdawwla mill-fidi.

Kulleġġ Santu Wistin

Kulleġġ Santu Wistin – Website
Kulleġġ Santu Wistin – Facebook

Campus tas-Sekondarja

Kulleġġ Santu Wistin, Gwardamanġa Hill, Pietà
+356 21 246 613

Campus tal-Primarja

Kulleġġ Santu Wistin, Simpson Street, Marsa
+356 21 236 367

Kif jingħad fil-innu tal-Kulleġġ Santu Wistin, il-Kulleġġ ma hux il-bini jew l-istruttura, imma huwa komunità edukattiva ta’ persuni b’għan komuni li jgħinu lill-istudenti jkabbru fihom konvizzjonijiet morali u eċċelenza akkademika. Dan kollu huwa mmotivat bil-valuri nsara ta’ mħabba u għożża. Dan kollu jagħmel sens fid-dawl tal-esperjenza tal-Evanġelju u tat-tagħlim u l-ispirtu ta’ Santu Wistin, il-missier spiritwali tagħna.

Hija istituzzjoni edukattiva li taf l-oriġini tagħna lura fl-1848 meta r-reliġjużi agostinjani fetħu l-bibien tagħhom biex jedukaw lill-tfal żgħar. Kienet l-ewwel esperjenza ta’ edukazzjoni aċċessibli għal kulħadd u bidu ta’ storja twila ta’ suċċess f’dan il-qasam.

Scroll to Top