Gilbert Meilaender, The Way that Leads There: Augustinian Reflections on the Christian Life, Wm B. Eardmans, Grand Rapids/mi, 2007
Santu Wistin ifformula dak il-ħsieb ta’ xewqa li “l-qalb tagħna ma ssibx kwiet jekk ma tistrihx fik, O Alla”. Gilbert Meilaender isostni li din il-frażi hija fiċ-ċentru tal-eżistenza tagħna. Ma huwiex ktieb fuq Santu Wistin jew it-tagħlim tiegħu fuq il-ħajja nisranija. Lill-qarrej jofri għadd ta’ riflessjonijiet fuq l-għexien nisrani li huma uniċi għal Meilaender.
Fil-ktieb tiegħu “The Way that leads there: Augustinian Reflections on the Christian Life”, huwa jieħu lil Wistin bħala “conversation partner”, dik il-figura li magħha qed jitħaddet. Permezz ta’ din il-konversazzjoni, l-awtur jespolora suġġetti li l-bnedmin ippruvaw jesploraw u jaraw tul is-sekli – ix-xewqa u l-obligu, l-politika, s-sess, meta jmutlek xi ħadd. Permezz ta’ dan ir-raġunament ta’ Meilaender, jsalva lil Wistin minn ħafna perċezzjonijiet li hemm fuq Wistin. Fl-istess ħin jidħol fi djalogu ma’ C. S. Lewis, fost oħrajn, u wkoll mat-teologija morali, fejn tkun mqajjma diskussjoni interessanti fuq diversi temi. L-istampa tal-ħajja li toħroġ minn dawn il-paġni ma hix waħda kompluta, u turi wkoll l-inabilità li nipperfezzjonaw u ngħaqqdu l-ħajja morali tagħna. Dan kollu ma hux xi punt ta’ qtiegħ ta’ qalb, imma huwa aktar mod ta’ kif inħarsu, ma’ Wistin, lejn Alla bħala s-sors u l-oġett tal-akbar xewqa tagħna.
Huwa ktieb interessanti għaliex jaħseb ma’ Santu Witin u mhux jeżaminah. Ktieb ta’ ħsieb, provokattiv, b’ħafna punti ta’ riflessjoni u wkoll meditattiv.