Jekk ikollok ter\u0121a\u2019 tmur, tmur? Din kienet mistoqsija li minn mindu wasalt saqsewhieli diversi persuni bosta drabi. Ir-risposta tieg\u0127i tkun pronta;\u201cIVA!\u201d.<\/p>\n
Kont ilni nisma b\u2019din il-mixja jew a\u0127jar pellegrinagg g\u0127al ftit tas-snin mhux \u0127azin. Kont naf \u0127afna li g\u0127amluha minn diversi g\u0127aqdiet u dejjem kont im\u0127ajjar. Biss bejn li hija xi \u0127a\u0121a relattivament stramba; g\u0127ax ng\u0127iduha kif inhi li timxi dak it-tul kollu (madwar 120Km f\u20196 ijiem) bl-affarijiet li jkollok b\u017conn fuq dahrek mihiex in-norma. Li esperjenza b\u0127al din g\u0127all-ewwel darba tag\u0127milha wa\u0127dek tkun diffi\u010bli u xtaqt insib grupp li nkun nista\u2019 nag\u0127mila mag\u0127hom.<\/p>\n
B\u2019xorti tajba waslitli l-kelma li kien hemm grupp ta\u017c-\u017cg\u0127a\u017cag\u0127 li ser jitilg\u0127u sabiex jag\u0127mlu din il-mixja. Ovvjament la \u0121ietni l-opportunit\u00e0 li naqta\u2019 xewqti u ningassa \u0127a\u0121a o\u0127ra mill- \u201cbucket list\u201d; d\u0127alt g\u0127aliha. G\u0127all-bidu kienet xhur \u2018il bog\u0127od u g\u0127alkemm kont \u0127erqan ma kontx nhewden u ninkwieta fuq l-ostaklu li kien hemm quddiemi. I\u017cda kif appena qorbu l-\u0121img\u0127at b\u0127al donni \u0127assejtni ma kontx lest u kont ftit be\u017cg\u0127an; bdejt ninduna kemm forsi ma ppreparajtx bi\u017c\u017cejjed g\u0127alkemm kelna mixjiet, laqg\u0127at u anke live-ins biex inkunu iktar komdi mal-idea tal-Camino u flimkien b\u0127ala grupp.<\/p>\n
Biss fl-a\u0127\u0127ar mill-a\u0127\u0127ar tipprattika kemm tipprattika qat m\u2019inti \u0127a dduq l-istess toma tal-benna tal-Camino. Kienet xi \u0127a\u0121a surreali li tqum filg\u0127odu u taf li ser tg\u0127addi minn qalb il-kampanja, foresta, villa\u0121\u0121i u g\u0127elieqi. Tiltaqa\u2019 ma\u2019 kull xorta ta\u2019 \u0127dura u natura. Veduti mill-isba\u0127. St\u0127ajjiltni qed ng\u0127ix f\u2019ktejjeb tal-istejjer tat-tfal. Apparti dik il-frazi \u201cBuen Camino\u201d, li inti u miexi nies li qatt ma tkun iltqajt mag\u0127hom jispi\u010b\u010baw jag\u0127tuk dan l-awgurju.<\/p>\n
F\u2019xenarju mill-isba\u0127 konna nispi\u010b\u010baw niltaqg\u0127u ma\u2019 diversi nies, pellegrini o\u0127ra, li kienu mexjin mag\u0127na u mal-\u0127in bdejna inrabbu din il-\u0127biberija ma\u2019 xulxin. Nies \u0121ejjin minn kull rokna tad-dinja, kul\u0127add bl-g\u0127an u bl-esperjenza personali tieg\u0127u.<\/p>\n
L-iskopijiet g\u0127aliex ikunu qeg\u0127din jag\u0127mlu din il-mixja jkunu \u0127afna, hawn min ikun b\u0127ali, forsi jid\u0127ol g\u0127al-esperjenza b\u0127al din g\u0127all-kurzit\u00e0, u min forsi biex tkun challenge personali fl-aspett fi\u017ciku. Biss pero na\u0127seb il-Camino kapa\u010bi jissorprendik b\u2019mod li ma tkunx qed tistenna. G\u0127alkemm kienet il-kurzit\u00e0 u l-leblieba sabiex nesperjenza xi \u0127a\u0121a differenti li g\u0127enitni ng\u0127id iva g\u0127al-mixja, ma kontx qed nistenna affarijiet o\u0127ra.<\/p>\n
Il-Camino tista\u2019 tqisu b\u0127ala metafora kbira tal-\u0127ajja. Tlajja u inzul. Wita, art lixxa u o\u0127ra im\u0127arbta. Foresti u anke \u201chighways\u201d, xemx jew xita. Matul it-triq tibda tag\u0127ti kas dak li qabel forsi anqas biss kien jag\u0127ddilek minn mo\u0127\u0127ok. Tkun inti u s-silenzju, inti u l-\u0127sibijiet tieg\u0127ek. Il-post jg\u0127inek tirrifletti u tag\u0127mel e\u017cami tal-kuxejnza u tkompli tiskopri dak li Alla jrid minnek.<\/p>\n
Kienet kaxxa ta\u2019 Pandora li infet\u0127et matul il-mixja. \u0126allejt lili innifsi nintilef fl-esperjenza\u00a0 tal-Camino, kemm mill-aspett fiziku imma anke dak spiritwali u mentali. Tibqa\u2019 f\u2019mo\u0127\u0127i ix-xena ta\u2019 meta wara dawk il-jiem kollha mixi wasalna f\u2019dik il-pjazza quddiem il-Katidral ta\u2019 San \u0120akbu, emozzjoni indiskrivibbli li t\u0127allik bla kliem. Fer\u0127 g\u0127ax tkun wasalt, fejn it-triq ma kienetx fa\u010bli g\u0127ax qtieg\u0127 il-qalb sibna ukoll, biss fl-istess \u0127in dwejjaq li l-esperjenza tkun la\u0127qet il-qofol tag\u0127ha. Fl-a\u0127\u0127ar mill-a\u0127\u0127ar gratitudni kbira li kont wie\u0127ed mill-invidiwi li esperjenzajt il-Camino de Santiago.<\/p>\n