{"id":238,"date":"2017-02-17T13:56:09","date_gmt":"2017-02-17T12:56:09","guid":{"rendered":"https:\/\/dev.agostinjani.org\/malti\/riflessjonijiet-u-artikli\/david-cortis-riflessjonijiet-u-artikli\/qari-mill-ewwel-ktieb-tas-slaten-2\/"},"modified":"2017-02-17T13:56:09","modified_gmt":"2017-02-17T13:56:09","slug":"qari-mill-ewwel-ktieb-tas-slaten-2","status":"publish","type":"post","link":"https:\/\/agostinjani.org\/mt\/riflessjonijiet-u-artikli\/david-cortis-riflessjonijiet-u-artikli\/qari-mill-ewwel-ktieb-tas-slaten-2\/","title":{"rendered":"Qari mill-Ewwel Ktieb tas-Slaten"},"content":{"rendered":"

Il-Mulej kellem lil Samwel: \u201cKemm se ddum qalbek sewda g\u0127al Sawl, meta jien ne\u0127\u0127ejtu minn sultan fuq I\u017crael? Imla l-qarn bi\u017c-\u017cejt u itlaq. Jien se nibag\u0127tek g\u0127and \u0120esse<\/p>\n

<\/p>\n

l-Betlemita, g\u0127aliex minn fost uliedu jien g\u0127a\u017cilt g\u0127alija sultan.\u201d Samwel wie\u0121eb: \u201cKif nista’ mmur? Jekk ikun jaf Sawl, joqtolni!\u201d Il-Mulej wie\u0121bu: \u201c\u0126u g\u0127o\u0121la mieg\u0127ek; g\u0127id li mort biex tag\u0127mel sagrifi\u010b\u010bju lill-Mulej. Sejja\u0127 lil \u0120esse g\u0127as-sagrifi\u010b\u010bju; jien imbag\u0127ad nurik x’tag\u0127mel; u lil min ng\u0127idlek, tidlikhuli sultan.\u201d<\/p>\n

U Samwel g\u0127amel kull ma qallu l-Mulej u mar Betlehem. Ix-xju\u0127 tal-belt marru jilqg\u0127uh imrieg\u0127da, u staqsewh: \u201c\u0120ejt hawn bis-sliem?\u201d U hu wie\u0121eb: \u201cBis-sliem. \u0120ejt biex noffri sagrifi\u010b\u010bju lill-Mulej. Tqaddsu u ejjew mieg\u0127i g\u0127as-sagrifi\u010b\u010bju.\u201d U hu qaddes lil \u0120esse u ‘l uliedu u sejj\u0127ilhom g\u0127as-sagrifi\u010b\u010bju.<\/p>\n

\u0120ara li, malli waslu, Samwel ra lil Elijab u qal: \u201cHawn quddiem il-Mulej il-midluk tieg\u0127u?\u201d U l-Mulej qal lil Samwel: \u201cT\u0127arisx lejn is-sura tieg\u0127u, jew it-tul ta’ persuntu, g\u0127ax jien di\u0121\u00e0 warrabtu. G\u0127ax il-Mulej ma jarax b\u0127alma jara l-bniedem, dak biss li jidher fl-g\u0127ajn, imma l-qalb.\u201d \u0120esse sejja\u0127 lil Abinadab u ressqu quddiem Samwel, u dan qal: \u201cAnqas lil dan ma \u0127atar il-Mulej.\u201d U \u0120esse ressaq lil Samma. Samwel qal: \u201cAnqas lil dan ma \u0127atar il-Mulej.\u201d \u0120esse ressaq quddiem Samwel sebg\u0127a minn uliedu; imma Samwel qallu: \u201cIl-Mulej ma \u0127atar lil \u0127add minn dawn.\u201d U ssokta jg\u0127idlu: \u201cDawn huma t-tfal kollha?\u201d \u201cG\u0127ad fadal i\u017c-\u017cg\u0127ir,\u201d wie\u0121bu \u0120esse, \u201cqieg\u0127ed jirg\u0127a n-nag\u0127a\u0121.\u201d U Samwel qal lil \u0120esse: \u201cIbg\u0127at g\u0127alih u \u0121ibu, g\u0127ax ma noqog\u0127dux fuq il-mejda qabel ma ji\u0121i hawn.\u201d U bag\u0127at g\u0127alih u \u0121iebu: kien \u017cag\u0127\u017cug\u0127 ruxxan, g\u0127ajnejh \u0127elwin, u sabi\u0127 fis-sura tieg\u0127u. U l-Mulej qal lil Samwel: \u201cQum u idilku, g\u0127ax dan hu.\u201d U Samwel \u0127a f’idejh il-qarn bi\u017c-\u017cejt, u dilku quddiem \u0127utu. Minn dakinhar ‘il quddiem ni\u017cel fuq David u \u0127akmu l-ispirtu tal-Mulej.<\/p>\n

Il-Kelma tal-Mulej<\/strong><\/p>\n

Silta sabi\u0127a tassew. U silta li nafuha wkoll.<\/p>\n

Hawnhekk qedin fil-kuntest li Samwel jir\u010bievi ordni li jimxi, li jag\u0127mel sagriffi\u010bju, u li jfittex qalb l-ulied lil dak li g\u0127a\u017cel Alla. G\u0127alhekk Samwel mar Betlehem, u staqsewx jekk \u0121iex bil-pa\u010bi jew inkella kellux xi intenzjoni o\u0127ra. U Samwel jg\u0127idilhom li \u0121ie bil-pa\u010bi u li g\u0127andhom jlestu g\u0127as-sagrifi\u010bju. Hekk g\u0127amlu t-tfal ta\u2019 \u0120esse. U meta Samwel ra li Eliab, perswa\u017c li kien mmexxi minn Alla, Samwel kien ser jer\u0121a\u2019 jirrepeti l-i\u017cball li g\u0127amel li jkun impressjonat bl-apparenza u l-istatura tal-ewwel wild ta\u2019 \u0120esse. U hemm naraw li hija l-kontra tat-tema tal-primogenito (tal-ewwel wild) li tiddomina l-\u0120enesi.<\/p>\n

\u0120esse kellu 7 wlied, plus it-tmien wie\u0127ed, l-i\u017cg\u0127ar wie\u0127ed David, dak li ser jintg\u0127a\u017cel.<\/p>\n

Alla ma j\u0127arisx lejn l-apparenza imma lejn il-qalb. A\u0127na n\u0127arsu bl-g\u0127ajnejn. Alla j\u0127ares bil-qalb (kif smajna). Alla li jara bil-qalb. Din tfisser jara fil-qalb tal-bniedem. F\u2019dan il-ka\u017c, l-qalb, skont il-psikolo\u0121ija biblika, hija l-post li nifhmu, li jkun hemm l-insights, li kif jg\u0127id Santu Wistin, missier il-komunit\u00e0 tag\u0127na, fil-qalb hemm il-Maestro, l-G\u0127alliem interjuri. Dan l-g\u0127alliem, dan Alla li g\u0127andu fidu\u010bja f\u2019kull wie\u0127ed minna. Alla li ma j\u0127arisx lejn id-dnub tag\u0127na, imma j\u0127ares lejn il-qalb tag\u0127na u meta jsejja\u0127, jsejja\u0127 lill-qalb, li anke minn qalb tal-\u0121ebel jbiddilha f\u2019qalb tal-la\u0127am.<\/p>\n

Issa wara li darhom wie\u0127ed wie\u0127ed, Alla ma kienx g\u0127a\u017cilhom. U staqsih jekk kellux wlied o\u0127ra. U r-risposta kienet IVA, li kellu wlied o\u0127ra. U x\u2019kien qed jag\u0127mel. Kien qed imexxi l-mer\u0127la. Dan i\u017c-\u017cg\u0127a\u017cug\u0127 kien exklu\u017c milli jkun ikkunsidrat, g\u0127ax kien \u017cg\u0127a\u017cug\u0127. Kien spe\u010bi ta\u2019 Cinderella ra\u0121el, li kien t\u0127alla g\u0127all-affarijiet domesti\u010bi minflok li jkun mistieden g\u0127al party. Imma dan li jirg\u0127a l-mer\u0127la, g\u0127andha implikazzjoni simbolika g\u0127al-leader tal-futur ta\u2019 I\u017crael, u iktar il-quddiem fl-istorja ta\u2019 \u0120ulijja, wie\u0127ed jara li kellu dawk l-iskills ne\u010bessarji g\u0127at-taqbida. Sabi\u0127a hija li b\u0127ala rg\u0127aj huwa kien ju\u017ca l-i\u017cbandola \u2013 din kienet tkun b\u2019\u010baqg\u0127a li titwaddab meta nag\u0127\u0121a tkun f\u2019xifer ta\u2019 rdum. Jekk titwaddab qribha titgerex u taqa\u2019….u allura kienet titwaddab l-hinn biex titgerrex il-\u0121ewwa u hekk te\u0127les mill-periklu. L-i\u017cbandola hija l-pre\u010bi\u017cjoni. Dik il-pre\u010bi\u017cjoni li David laqat lil \u0120ulija f\u2019ng\u0127asu. I\u010b-\u010baqg\u0127a li titwaddab mhux biex tolqotna imma biex nevitaw il-periklu, u nid\u0127lu lura fit-triq it-tajba. Allura dan David kellu l-mezzi me\u0127tie\u0121a…u hekk Alla jag\u0127tina l-mezzi me\u0127tie\u0121a fis-sej\u0127a tag\u0127na ta\u2019 kuljum.<\/p>\n

Kurju\u017ca l-bi\u010b\u010ba tal-awtur ta\u2019 din is-silta, li g\u0127alkemm jg\u0127idilna li kien jidher sabi\u0127, u jidher li ma kienx kbir b\u0127al \u0127uh Eliab, u g\u0127alhekk g\u0127alihom ma kienx il-persuna ideonea li jkun mag\u0127\u017cul g\u0127aliex riedu gwerrier, u ter\u0121a u tg\u0127id Samwel ma kellux l-opportunita li jg\u0127addi \u0121udizzji fuq l-apparenza, g\u0127aliex Alla b\u2019mod immedjat jg\u0127idlu: DAN HUWA. Dan huwa l-wie\u0127ed. Dan i\u017c-\u017cg\u0127a\u017cug\u0127 li ma kellu l-ebda mertu, u lanqas predisposizzjoni. David huwa \u0127abib tajjeb, \u017cg\u0127a\u017cug\u0127 sempli\u010bi, imma ma\u0127bub minn Alla. U tant hu hekk, li Alla g\u0127a\u017clu u Samwel, f\u2019isem Alla, dilku. U fejn? Dan kollu sar f\u2019nofs l-a\u0127wa, fil-qalb ta\u010b-\u010birku familjari. (G\u0127alkemm iktar il-quddiem f\u2019Kapitlu 17 nindunaw li kien hemm g\u0127ira u rabja f\u2019\u0127uh l-kbir Eliab g\u0127al dan David)…Alla jag\u0127\u017cel qalb in-nies, qalb il-familji, qalb il-\u0127bieb, fis-sitwazzjoni fejn tkun, fuq il-post tax-xog\u0127ol, li kellu David ta\u2019 rg\u0127aj, jien fuq il-post tax-xog\u0127ol tieg\u0127i. U minn dak il-\u0127in \u0121ie fuq David l-ispirtu t\u2019Alla. Din taqbel \u0127afna mal-ittra lir-Rumani, meta jg\u0127idilna: \u201cg\u0127ax l-im\u0127abba ta’ Alla ssawwbet fi qlubna permezz ta’ l-Ispirtu s-Santu li kien mog\u0127ti lilna\u201d.\u00a0<\/p>\n

L-ewwel komponent importanti fil-vokazzjoni hija l-pura benevolenza t\u2019Alla.<\/p>\n

Nara hawnhekk il-prin\u010bipju u l-fundament l-iktar profond ta\u2019 dan David: ma hix li huwa j\u0127obb lil Alla u li jixtiequ, IMMA li huwa Alla li j\u0127obb lil David. L-G\u0127anja tal-G\u0127anjiet titkellem minn \u017cg\u0127a\u017cug\u0127, li bil-lhudi, dejjem huwa msejjah \u201cDOD\u201d, li tfisser \u201cMa\u0127bub\u201d, \u201cIl-ma\u0127bub tieg\u0127i\u201d. L-ittri lhud huma l-istess b\u0127all-isem ta\u2019 \u201cDavid\u201d, u g\u0127alhekk huwa l-ma\u0127bub, il-ma\u0127bub ta\u2019 Alla, dak li Alla j\u0127obb, dak li kien i\u0127obb lil \u0120esu, skont l-evan\u0121elju ta\u2019 San \u0120wann (\u0120w 13,23). G\u0127alhekk i\u010b-\u010bavett ta\u2019 dan kollu hija li Alla j\u0127obbu. U Alla j\u0127obbna. Alla li g\u0127andu fidu\u010bja fina. Lil David minn rag\u0127aj li ma kienx mag\u0127ruf g\u0127al persona\u0121\u0121 importanti.<\/p>\n

Nirriflettu ftit:<\/p>\n