Nhar il-Ħadd, 1 ta’ Novembru fil-Knisja ta’ San Martin fil-Baħrija ġiet inawgurata statwa ġdida ta’ Sidtna Marija Omma Alla. L-istatwa, kienet imbierka mir-Rettur Fr Raymond Francalanza O.S.A fil-quddiesa tad-9am.  Ix-xogħol huwa tal-artist żagħżugħ Chris Ebejer u filfatt hija l-mudell tal-istatwa artistika li tinsab fid-daħla tal-Isptar Mater Dei.

L-Agostinjani, partikolarment il-Komunita tar-Rabat, ilhom iservu fil-Knisja ta’ San Martin fil-Baħrija għal kważi sitt snin.

Wara biss ftit xhur mil-mewt ta' ħuna l-mibki Kardinal Prospero Grech, il-Papa għoġbu jagħti lill-Knisja fil-gżejjer tagħna kardinal ġdid fil-persuna ta’ Mons. Mario Grech, Isqof Emeritus tad-djoċesi ta’ Għawdex u Segretarju tas-Sinodu tal-Isqfijiet f’Ruma. F’post li tella fuq il-media soċjali, l-Isqof Grech irringrazzja lill-Familja Agostinjana, u partikolarment lill-Pirjol Ġenerali u l-Komunità tal-Kurja tal-Ordni f’Ruma fejn qed jgħix għal din l-aħħar sena u fejn kien ikun ospitat kuldarba li kien ikun Ruma matul is-snin tal-episkopat tiegħu. Fl-2017 filfatt l-Isqof Mario kien ġie affiljat uffiċjalment fil-Familja tagħna Agostinjana, u b’hekk huwa meqjus bħala iben l-Ordni f’rabta spiritwali.

L-Isqof Mario Grech twieled il-Qala Għawdex fl-20 ta’ Frar 1957. Huwa ħa l-edukazzjoni tiegħu fl-iskejjel tal-istat u wara kompla bl-istudju tal-Filosofija u t-Teologija fis-Seminarju tal-Qalb ta’ Ġesu f’Għawdex.  Wara l-Ordinazzjoni Saċerdotali tiegħu fis-26 ta’ Mejju 1984 huwa kompla l-istudji tiegħu f’Ruma minfejn kiseb Liċenzja mill-Universita Pontifiċja tal-Lateran u Dottorat fid-Dritt Kanoniku mill-Universita Pontifiċja Angelicum. Lura Malta huwa serva f’diversi uffiċċji fosthom dak ta’ Vigarju Ġudizzjarju tad-djoċesi ta’ Għawdex, għalliem tad-dritt Kanoniku fis-seminarju ta’ Għawdex, membru tat-Tribunal Metropolitan ta’ Malta u kappillan fil-Parroċċa ta’ Kerċem. Fis-26 ta’ Novembru 2011 il-Papa Benedittu XVI ħatru isqof ta’ Għawdex fejn serva sakemm il-Papa Franġsiku ħatru Pro-Segretarju Ġenerali tas-Sinodu tal-Isqfijiet u fil-15 ta’ Settembru 2020 Segretarju tal-istess Sinodu tal-isqfijiet.

Il-Provinċja Agostinjana Maltija tifraħ lil Mons. Mario Grech fl-okkażjoni tan-nomina tiegħu bħala kardinal u tirringrazzjah tal-viċinanza tiegħu, waqt li tawguralu fis-servizz li qed jagħti lill-Knisja Universali

Kelma mid-Direttur tal-Istitut Agostinjan P. Salvinu Caruana OSA:

Għeżież lkoll!

Nittama li tinsabu tajbin minkejja ċ-ċirkustanzi avversi li ninsabu għaddejjin minnhom.

Bħalma tafu, ma nistgħux nibdew il-lectures fl-Istitut Agostinjan għalissa. Imma ma stajnix ma napprezzawx it-turija ta‘ ħerqa li nfittxu li nibdew minn għadd ġmielu ta‘ parteċipanti tal-korsijiet tagħna. Il-programm ilu mħejji xhur! Kulma kien jonqsu kienu...d-dati!

Issa wara l-konsultazzjoni ma' diversi persuni, u bi tweġibiet mill-għalliema, flimkien mal-Membri tal-Bord tal-Istitut (WR P. Provinċjal Leslie Gatt OSA – Praeside; P. Pierre Desira OSA – Ass. Dir. – Ms Antoinette Borg, Segr. Amm. – P. Mario Attard Ofm Cap – Andre‘ Debattista - Tabiba Ritienne Debono – Kan. Dr Jonathan Farrugia – Mons Prof. Hector Scerri), qbilna dwar dawn id-dati, imma xorta waħda jibqgħu marbuta ma‘ għadd ta‘ prekawzjonijiet u eċċezzjonijiet skont il-qagħda tal-pandemija fiż-żmien stipulat tal-bidu tal-Kors.

Fil-Kors Għal Kulħadd għas-Sena Akkademika 2020-2021 ser inkunu qegħdin nistudjaw flimkien din it-tema:

Waħda u Sħiħa hija l-Imħabba. L-10 Omeliji  ta’ S. Wistin fuq l-Ewwel ttra ta’ Ġwann lill-Parti tal-Prof. P. Salvinu Caruana OSA u P. Francis Calleja OSA.

 Il-lectures sejrin ikunu dwar dan it-trattat ta‘ S. Wistin; kopja tiegħu bil-Malti (285p.) tkun lesta sa tmiem NOVEMBRU 2020, u jkun għall-bejgħ (€25 + ktejjeb My Pen’s Toil b’xejn);

Dan huwa l-programm tentattiv sa issa, minħabba s-sitwazzjoni tal-pandemija internazzjonali li ninsabu fiha. 

Waħda u sħiħa hija l-Imħabba

Il-Ġimgħa, 26 ta’ Frar 2021 (6.00 – 7.30pm)

L-Ewkaristija Presjeduta mill-WRP Provinċjal Leslie Gatt OSA

Daħla għall-opra ta’ S. Wistin

Prof. P. Salvinu Caruana OSA

--------------------------------------------------  

Il-Ġimgħa, 5 ta’ Marzu 2021 (6.00 – 7.00pm)

Omelija 1

Kelliem: P. Mario Attard ofm cap

  --------------------------------------------------

Il-Ġimgħa, 12 ta’ Marzu 2021 (6.00 – 7.00pm)

Omelija 2

Kelliem: Andre’ P. Debattista

 --------------------------------------------------

Il-Ġimgħa, 26 ta’ Marzu 2021 (6.00-7.00pm)

Omelija 3

Kelliema: Dr Ritienne Debono MD

  --------------------------------------------------

Il-Ġimgħa, 9 t’April 2021 (6.00 – 7.00pm)

Omelija 4

Kelliem: Rev. Kan. Jonathan Farrugia

--------------------------------------------------

Il-Ġimgħa, 16 t’April 2021 (6.00 – 7.00pm)

Omelija 5

Kelliem: Rev. Kan. Jonathan Farrugia

--------------------------------------------------

Il-Ġimgħa, 23 t’April 2021 (6.00 – 7.00pm)

Omelija 6

Kelliem: P. Pierre Desira OSA

--------------------------------------------------

L-Erbgħa, 28 t’April 2021 fis-6.00pm

It-23 edizzjoni tal-Annual Saint Augustine Lecture

Kelliem:

Il-Professur Dr Dr Anthony Dupont

 Faculty of Religious Studies

Catholic University of Leuven, Belgium

dwar:

       Mater Christianorum Verissima (mor. 1.62)

Augustine of Hippo’s Understanding of the Church as a Conciliatory, Critical and Christological Community*

--------------------------------------------------

Il-Ġimgħa, 30 t’April 2021 (6.00 – 7.00pm)

Omelija 7

Kelliem: Rev. Mons. Professur Hector Scerri

--------------------------------------------------

Il-Ġimgħa, 7 ta’ Mejju 2021 (6.00 – 7.00pm)

Omelija 8

Kelliem: P. Pierre Desira OSA

--------------------------------------------------

Il-Ġimgħa, 14 ta’ Mejju 2021 (6.00 – 7.00pm)

Omelija 9

Kelliem: Rev. Mons. Professur Hector Scerri

--------------------------------------------------

Il-Ġimgħa, 21 ta’ Mejju  2021 (6.00 – 7.00pm)

Omelija 10

Kelliem: Andre’ P. Debattista

--------------------------------------------------

Il-Ġimgħa, 28 ta’ Mejju 2021– JUM IL-GRADWAZZJONI

6.15pm

mill-Eċċ. Tiegħu Mons. Isqof Anton Theuma, l-Isqof t’Għawdex

---------------------------------------------------------------------------------------------------------------------------------------------------------------

*  Il-lecture sejjer ikun video conference u jinżamm ġewwa Tolentino Hall – Kulleġġ, S. Wistin, Pjetà.

Grazzi ħafna għall-ħidma elettronika koordinata minn P. Pierre Desira OSA Ass Dir Ist. Agost. Rev Kan. Jonathan Farrugia Kap tad-Dip. tal-Patroloġija, Fakultà tat-Teoloġija, Università ta’ Malta, u Andre P. Debattista Lekċerer, Università ta’ Malta u lir-Rettur tal-Kulleġġ S. Wistin P. David Cortis OSA.

 Attendenza għall-lecture: l-ewwel 50 li jibbukkjaw sat-Tnejn, 26 t’April 2021

(Segretarja Amm. Ms Antoinette Borg: This email address is being protected from spambots. You need JavaScript enabled to view it.)

--------------------------------------------------------------------------

• lejn il-bidu ta’ Frar 2021 nibgħatu l-programm ON-LINE u naraw li nilħqu ‘l kulħadd, b’kull mezz li għandna għad-disponibiltà tagħna, ser nistampaw numru limitat ħafna din is-sena akkademika;
•  il-lectures sejrin jinżammu f’sala ikbar ġewwa l-Kulleġġ S. Wistin, Pieta’ (hija ikbar minn dik tal-Istitut u minn dik li ġieli użajna); ikunu bejn is-6.00pm u s-7.00pm;
•  l-Ewkaristija tibda’ fil-5.40pm, fl-istess sala tal-lectures, imma taslux u tidħlux fis-sala ħafna qabel il-5.30pm;
• il-maskra (visor) hija obbligatorja – u fil-bieb ikun hemm apparat/i ta‘ disinfettar tal-idejn, u tittieħed it-temperatura ta’ kull waħda/wieħed qabel id-dħul fis-sala; mhux ser ikollna te’/kafe’ eċċ., wara l-lectures, wara ma jibqa’ ħadd jitħaddet eċċ., minħabba li nkunu rridu nerġgħu niddisinfettaw is-sala malajr kemm jista’ jkun;
•  l-aħħar lecture ser ikun nhar il-Ġimgħa, 21 ta’ Mejju 2021.

Nitolbu lil SANTA RITA li taqlagħlna l-grazzja li ż-żmien ikun jippermetti wkoll li nsibu jumejn/tlieta għall-LIVE-IN 2020-2021…f’Ġunju

Sadanittant, aħna nibqgħu dejjem ngħarrfukom b’kull mezz u metodu li għandna, dwar żviluppi tal-qagħda min-naħa tagħna dwar il-korsijiet sena akkademika 2020-2021.

L-aħħar ħaġa, imma daqstantieħor siewja ħafna:

 NITLOBKOM SABIEX TMEXXU MILL-AĦJAR LI TISTGĦU DAN IT-TAGĦRIF DWAR IL-KORSIJIET Fl-ISTITUT AGOSTINJAN SENA AKKADEMIKA 2020-2021

 Kieku nixtiequ nkunu nafu, minn kmieni kemm jista’ jkun, KEMM minn fostkom jaħsbu li, dejjem jekk iċ-ċirkustanzi jippermettu, biħsiebhom jattendu għall-lectures.

Tistgħu iċċemplu fuq 2701 0827 – 7929 4177 – 9945 0099 – 7770 8700

Jew tiktbu fuq: This email address is being protected from spambots. You need JavaScript enabled to view it. – This email address is being protected from spambots. You need JavaScript enabled to view it.

 Grazzi ħafna

 P. Salvinu Caruana OSA - Direttur

Nhar is-Sibt 24 t'Ottubru 2020 kien inawgurat dawl ġdid għall-koppla tal-knisja parrokkjali ta' Santu Wistin il-Belt Valletta. B'kollaborazzjoni mal-proġett tar-riġenerazzjoni tal-port ta' Marsamxett u l-GHRC, dakinhar kien inawgurat dawl ġdid anke għall-koppla tal-Bażilika tal-Madonna tal-Karmnu u tal-Knisja tal-Madonna tal-Pillar.

Dan huwa parti minn proġett akbar ta' restawr u riġenerazzjoni tal-kunvent tagħna tal-Belt li issa ilu għaddej għal diversi snin. Ftit ġimgħat ilu filfatt inkixfet il-faċċata tal-Knisja u l-ġimgħa l-oħra inkixfet parti mill-ġenb tal-istess Knisja fuq triq San Ġwann. Apparti proġett ta’ restawr fuq ġewwa, il-ħsieb huwa li x-xogħol ikopri r-restawr fuq il-blokka kollha li tagħti fuq erba’ toroq.