Il-grupp Augustinian Youths jirringrazzja lil ħaddiema fid-Djar tal-Anzjani b'video

Bħalissa, il-ħaddiema tal-kura tas-saħħa tagħna jinsabu minn ta’ quddiem biex jiġġieldu l-pandemija tal-koronavirus (COVID-19) li qed tinfirex b’rata mgħaġġla madwar id-dinja. Dawn il-ħaddiema qed ipoġġu lilhom infushom fiċ-ċentru ta’ din il-kriżi mingħajr preċedent.  

Billi ma jistgħux jiltaqgħu fiżikament fuq bażi ta’ kull ġimgħa, kif normalment isir fir-rutina normali, il-grupp Augustinan Youths ingħaqdu flimkien biex juru l-appoġġ u l-inkoraġġiment tagħhom lejn il-ħaddiema tal-kura tas-saħħa waqt din is-sitwazzjoni attwali.  Wara li fl-10 ta’ Frar il-grupp qatta nofs ta’ nhar mar-residenti li jinsabu f’Casa Leone f’ San Ġiljan, ħareġ bl-idea li joħloq vidjow qasir (tista' tarah fl-aħħar ta' dan l-artiklu) biex jesprimi l-apprezzament u l-gratitudni lejn dawn l-eroj. Il-filmat intbagħat lil numru ta’ ħaddiema tal-kura tas-saħħa u carers li bħalissa qegħdin jaħdmu fid-dar residenzjali ta’ Casa Leone f’San Ġiljan, biex iħeġġuhom u jimmotivawhom f’dawn iż-żminijiet diffiċli.  

Minn qalbna nirringrazzjawhom għax-xogħol siewi u s-sagriffiċċji li jagħmlu ta’ kuljum. 

Edward Abela


© 2020 agostinjani.org. All Rights Reserved.